大家有無諗過臭臭可以有咩用？其實動物既糞便係自然生態中發揮左奇妙功能，亦係「廢物利用」既最佳例子~ 就好似熊貓既pupu 咁，係人都知大熊貓食好多竹葉，但因為佢地唔可以消化晒所有硬既纖維，所以係d 臭臭入面，仲有好多纖維。而醒目嘅護理員，當然唔會浪費啦，佢地諗左d 方法將d pupu 循環再造，做成名副其實既天然再造紙！

中學生 Attention！

狂熱travelship 再次召集一班中學生~ 請你地拎埋最新型號Nokia 手機，一機通行玩轉海洋公園之旅！組隊一齊去海洋公園之旅玩捉E因，試下用大熊貓既pupu 整環保再造紙，仲要用physics 角度解拆G-Force 既秘密！當然唔少得一連串既神秘task tim 啦~ 可以係充滿聖誕氣氛既海洋公園狂歡，諗起都有holiday mood 呀！包保係一次unique experience！到時仲可以一邊做task 一邊用手機聽歌，係聖誕樹前影相同拍video、即時再MSN同share上blog 即時話俾friend知tim！

參加辦法
1. 首先係右手面sidebar 報名處果到砌一隻你既avatar
2. 砌完之後填妥表格，跟手再攞埋個script (你交完表格系統就會自動俾你~)，將有你自己隻avatar 加入你個blog 或者xanga 到
3. 返黎呢個post 係下面個form 到填番d 資料俾我地就ok 喇!

12月2號就截止喇！記得叫埋你d同學仔一齊玩呀！

＊ 參加前，請先參閱是次比賽中的《條款及條件》

雖然香港只係彈丸之地，但原來都收埋左好多自然景色架！

梧桐寨石澗係香港九大石澗之一，係大帽山眾多石澗中較有名氣既一條，亦係比較易行既一條，其中以全港最長既林村長瀑最有名，約高100公尺；途中經過既其他瀑布都好靚架！除左長瀑，仲有井底瀑、中瀑、同埋散髮瀑！對於生活係石屎森林既我地，一次過見到咁多氣勢磅礡既瀑布，一定好震撼喇！

東平洲係香港東北面既一個小島，於2001年11月正式成為海岸公園。東平洲既海岸生物資源非豐富，有三十幾種珊瑚，超過 130個品種既魚類，四十幾種既海藻同超過100種既海洋無脊椎動物生活係東平洲到架~

除左海洋資源非常豐富之外，東平洲最出名既就係奇岩怪石眾多！更樓石、海蝕平台、斬頸洲、龍落水等等由沉積岩同海蝕所形成既奇石，全部都好神似架！一路沿途參觀，一面了解佢地係點樣形成，簡直係寓學習於娛樂呀！仲可以用Nokia 7610 Supernova 既320萬像相機影低d 奇石，番屋企再駁落個電視螢光幕到，同屋企人一齊share tim！

Photo originally uploaded by Mandy, Shirleyli, www.hkhikers.com and www.hkrocks.net

萬聖節係外來既節日~ 係中世紀時代，外國人會著上動物造型既服飾、戴上面目猙獰既面具，希望係萬聖節之前果晚趕走黑夜中既鬼怪。但時至今日，大家著上各種服飾和面具，目的係為左參加萬聖節狂歡party！

外國既小朋友鐘意係萬聖節夜既著上古靈精怪既服飾，去鄰居門口trick or treat，問鄰居攞糖食！而係香港，最出名既萬聖節活動就梗係去蘭桂坊啦！萬聖節當晚蘭桂坊會有唔少人扮鬼架~ 鬼佬份鬼，香港人又扮鬼，真係好難分清邊個係人邊個係鬼~ 不論係附近飲野定係0係街上巡遊狂歡，蘭桂坊都係萬聖節狂歡既首選地點呀！